АЙМГИЙН ЗАСАГ ДАРГЫН ТАМГЫН ГАЗРЫН ХАМТЫН АЖИЛЛАГАА

Аймгийн Засаг даргын 2018 оны 04 сарын 12-ны өдрийн А/154 тоот захирамжаар 240 м2 газрыг 30 жиийн хугацаатай Конторын барилгын зориулалтаар тус хэлтэст эзэмшүүлсэн. Цахилгаан дулаанаар хангах байгууллагуудаас холбогдох зөвшөөрлийг авч зургийн компаниар тус хэлтсийн барилгын зураг төсвийг 988,0 сая төгрөгийн төсөвтэй хийлгэж барилгын хөгжлийн төвөөр батлуулан 2020 оны төсөвт суулгуулахаар холбогдох судалгаа хүсэлтийг хүргүүлээд байна. 

Сумдын засаг дарга нарт бүртгэлийн үйл ажиллагаагаа танилцуулж,  бүртгэлийн үйлчилгээний найдвартай тасралтгүй үйл ажиллагааг хангах үүднээс улсын бүртгэгчийг интернэт сүлжээнд холбох талаар гэрээнд заасны үр дүнд 15  сумдын засаг дарга нар улсын бүртгэгчдээ авч өгсөн notebook-ийг интернэтийн сүлжээнд холбосон байна. Энэ нь зөвхөн бүртгэлийн үйл ажиллагааг дэмжээд зогсохгүй тус сумдын иргэд бүртгэлийн үйлчилгээг түргэн шуурхай хүртэх боломжтой болсноос гадна бүртгэгчдэд урам зориг нэмсэн сайхан үйл явдал боллоо.  Үүний үр дүнд тус хэлтсийн хөдөөний 15 сумын бүртгэгчтэй онлайн хурал хийх, мэдээллийг шуурхай дамжуулах, ABLE программаар цаг бүртгүүлэх, үүрэг даалгавар өгөх, мэдээ мэдээлэл авах бүрэн боломжоор хангагдаад байна. 2019 онд 4 удаагийн онлайн уулзалтыг сумдын бүртгэгч нартай хийж мэдээлэл хүргэж, хууль дүрэм журмын талаар нарийвчилсан чиглэл заавар өгч ажилласан байна. Аймгийн ЗДТГ-аас ЗГХЭГазар, Төрийн албаны зөвлөлтэй хамтран гүйцэтгэлийн төлөвлөгөө боловсруулах нарийвчилсан заавар, Төрийн албаны тухай хууль, түүнд нийцүүлэн гаргасан журам, зааврын талаар вакум сургалт 3 сарын 13-14 өдрүүдэд зохион байгуулж хэлтэс агентлагийн дарга нар хамрагдаж нарийвчилсан зөвлөмж авч ажилласны үр дүнд  хэлтсийн гүйцэтгэлийн төлөвлөгөөг болосруулан баталлаа. Мөн албан хаагчдын гүйцэтгэлийн төлөвлөгөөг улирлаар төлөвлөн баталлаа. Аймгийн ЗДТГазар, УБЕГ-ын даргын шийдвэрээр Зүүн хойд Азийн Нутгийн захиргаадын холбоо /NEAR/-ны Орон нутгийн мэргэжилтнүүдийн хурал БНСУ-ын Гёнсанбүг мужийн Гёнжү хотод болж Дундговь аймгийг төлөөлөн оролцлоо. Тус хуралд манай улсаас гадна ОХУ, БНХАУ, БНСУ, Япон улсын 39 гишүүн орон нутгийн байгууллагын 100 гаруй төлөөлөгчид оролцлоо. Зүүн хойд Азийн нутгийн захиргаадын холбооны Ерөнхий нарийн бичгийн дарга Хун Жун Гён хуралд оролцож мэндчилгээ дэвшүүллээ. Манай улсаас нийслэл болон 14 аймгийн 27 төлөөлөгч Зүүн хойд Азийн нутгийн захиргаадын холбооны энэ жилийн хуралд оролцолоо. Энэ удаагийн хурлаар Холбооны Хэрэг эрхлэх газрын үйл ажиллагааны үр дүн, 2019 оны ажлын төлөвлөгөө, салбар хороог идэвхжүүлэх арга замын талаар хэлэлцлээ. 2019 оны 04 сарын 25-26-ны өдрүүдэд БНСУлсын Гёнжу хотод хуралд оролцож орон нутгийн танилцуулга хийж, цаашид хэрхэн хамтран ажиллах талаар саналыг хүргүүллээ.

Хайлт

 

БИДЭНТЭЙ ХАРИЛЦАХ

Монгол улс Дундговь аймаг, Сайнцагаан сум Нутгийн удирдлагын ордон

Ажлын цаг : Даваа - Баасан гариг, 08:00 - 17.00 цаг

Бямба, Ням амарна.

Утас : 70593096, 80190003

Факс: 70592435

И-мэйл хаяг : dundgovi@burtgel.gov.mn

Вэб сайт : http://du.burtgel.gov.mn

© 2018 Дундговь аймгийн улсын бүртгэлийн хэлтэс.

ХАЙЛТ