Хадгаламж, зээлийн хоршоо шинээр бүртгүүлэх

User Rating: 0 / 5

Star InactiveStar InactiveStar InactiveStar InactiveStar Inactive
 

 

 

БҮРДҮҮЛЭХ МАТЕРИАЛ

ЗӨВЛӨМЖ

  • УБ-03 маягтыг бөглөх /1 хувь/

www.burtgel.gov.mn/service/ хаягаас татаж авах эсвэл улсын бүртгэгчээс авч бөглөх боломжтой

  • Хуулийн этгээдийн нэрийн баталгаажуулалт /Төрийн банкны 22000011330 дансанд 500 төгрөг/

Үүсгэн байгуулагч эсвэл итгэмжлэгдсэн хүн иргэний үнэмлэхтэй /хуулбар байж болно/ ирж, Улсын бүртгэгчээс нэрийн баталгаажуулалтын хуудас авна. Банкинд мөнгө тушаасан баримттай ирэх.

  • Хоршооны хувь хөрөнгийг нотолсон баримт /1хувь/

Үүсгэн байгуулагч гишүүд (20-оос дээш тооны) банкинд данс нээлгэж, хоршоонд нийлүүлсэн хөрөнгийг байршуулсан баримтаа авч ирэх.  (ХЗХ-ны тухай хуулийн 5.2.3.хадгаламж, зээлийн хоршоо үүсгэн байгуулагч хоршоо байгуулахад оруулахаар тохирсон нийт хувь хөрөнгийн 30-аас дээш хувийг бэлнээр төвлөрүүлсэн байх)

  • Дүрэм /2 хувь/

Дүрэм нь түүний үйл ажиллагааг зохицуулах үндсэн баримт бичиг бөгөөд “Хадгаламж, зээлийн хоршооны тухай” хуулийн 9.1.1-9.1.21-т заасан зүйлсийг заавал тусгана.

  • Улсын тэмдэгтийн хураамж төлсөн баримт /Хаан банкны 5450578538  дансанд 44000 төгрөг/

Энэ дансанд тушааж баримтаа авч ирэх

  • Иргэний үнэмлэхний хуулбар /нотариат шаардлагагүй/

Үүсгэн байгуулагч гишүүдийн иргэний үнэмлэхийн хуулбар  /нотариатаар гэрчлүүлэх шаардлагагүй/

  • Үүсгэн байгуулагч бүх гишүүдийн хурлын тогтоол, тэмдэглэл 
    /1 хувь/

Үүсгэн байгуулах хуралд бүх гишүүд оролцож, дараах асуудлыг хэлэлцэж, олонхийн саналаар шийдвэрлэж тогтоол гарган, гарын үсэг зурна.

  • хоршоог үүсгэн байгуулах эсэх;
  • хоршооны дүрмийн төсөл;
  • хоршооны тэргүүлэгчдийн болон хяналтын зөвлөлийн гишүүдийг сонгох.

Хурлын явцад тэмдэглэл хөтлөх бөгөөд хурал удирдсан дарга, бүх гишүүд гарын үсэг зурна.
Тэмдэглэлд дор дурдсан зүйлийг тусгасан байна:

  • хуралдсан он, сар, өдөр, газар;
  • үүсгэн байгуулагчдын овог, нэр;
  • хурлаар хэлэлцсэн асуудал, гарсан санал, дэмжсэн саналын хувь, гарсан шийдвэр.
  • Тэргүүлэгчдийн зөвлөлийн  гишүүдийн хурлын тогтоол, тэмдэглэл    /1,1  хувь/

Тогтоол, тэмдэглэлд тэргүүлэгчдийн зөвлөлийн гишүүдээс Зөвлөлийн дарга /хоршооны дарга/ сонгож гишүүд гарын үсэг зурсан байна.

  • Хуулийн этгээд байрших хаягийн нотлох баримт. /1 хувь/

Үл хөдлөх хөрөнгийн гэрчилгээ эсхүл түрээсийн гэрээний хуулбар. Аль нэг үүсгэн байгуулагчийн гэрийн хаягаар бүртгүүлэх бол иргэний үнэмлэхийн хуулбар.

 

Хайлт

 

БИДЭНТЭЙ ХАРИЛЦАХ

Монгол улс Дундговь аймаг, Сайнцагаан сум Нутгийн удирдлагын ордон

Ажлын цаг : Даваа - Баасан гариг, 08:00 - 17.00 цаг

Бямба, Ням амарна.

Утас : 70593096, 80190003

Факс: 70592435

И-мэйл хаяг : dundgovi@burtgel.gov.mn

Вэб сайт : http://du.burtgel.gov.mn

© 2018 Дундговь аймгийн улсын бүртгэлийн хэлтэс.

ХАЙЛТ